Menning-bækur- tónlist -útvarp

Í tilefni HM í Suður-Afríku vill félagið minna á bókina “Afríka sunnan Sahara í brennidepli”, sem kom út árið 2007. Bókin er gefin út í þeim tilgangi að auka almennan fróðleik og skilning á álfunni, sögu hennar og samtíma, en að útgáfunni stóð Afríka 20:20 og Háskólaútgáfan. Útgáfan er tímamótaverk, því aldrei áður hefur verið skrifað jafn umfangsmikið rit um álfuna á íslensku. Sérlega hefur verið vandað til útgáfunnar, en bókin er sneisafull af litríku myndefni ásamt því sem umfjöllunarefnin eru einstaklega fjölbreytt. Tólf höfundar skrifa kafla í bókina, sem er skipt upp í fjóra hluta: Sagan, Lifnaðarhættir og lífsafkoma, Listir og bókmenntir, og Afríka og umheimurinn.

Ritstjórar eru Jónína Einarsdóttir og Þórdís Sigurðardóttir.

Sigríður Dúna Kristmundsdóttir, sendiherra í Suður-Afríku, segir í formála: „Því hefur verið haldið fram að hungur- og ofbeldismyndin af Afríku, stundum nefnd Bob Geldoff heilkennið, sé eitt helsta vandamál álfunnar. Ímyndin gerir að verkum að vestræn fyrirtæki fjárfesta ekki í álfunni, byggja ekki upp þekkingu og skila ekki arði í efnahagslífi hennar… Þessu riti er ætlað að auðvelda okkur að skilja Afríku. Það miðlar þekkingu um margbreytileika álfunnar, auðlindir hennar og vandamál, stöðu hennar á alþjóðavettvangi og þá ímynd sem hún hefur í hugum okkar.“

Bókin fæst í helsu bókabúðum um land allt.

Comments are closed.